"Марсель" мухлислари Зидандан ПСЖнинг таклифини қабул қилмасликни сўрашди. Унинг жавоби қандай бўлди?

"Марсель" мухлислари "Реал"нинг собиқ бош мураббийи Зинедин Зидандан ПСЖнинг таклифини қабул қилмасликни сўрашди, деб хабар беради BFM Marseille.

Зидан ўзининг болалиги ўтган Марселда рақамли тиббиёт марказининг очилишида иштирок этди ва  “Марсель” мухлисларининг бу таклифига табассум билан жавоб қайтарди.

Олдинроқ Маурисио Почеттино истефога чиқарилган тақдирда айнан Зидан ПСЖ бош мураббийи бўлиши ҳақида хабар берилганди.

Эслатиб ўтамиз, франциялик мураббий ўтган мавсум охирида "Реал" билан шартномани ўзаро келишув асосида бекор қилган ва шундан буён ишсиз ҳисобланади.