Мартинес: “Роналду ЖЧни ютмаса ҳам тарихдаги энг кучли футболчи”

Португалия терма жамоаси бош мураббийи Роберто Мартинес Криштиану Роналдунинг жаҳон футболидаги мақомига баҳо берди.

- Роналду жаҳон чемпионатида ғалаба қозониш ёки йўқлигидан қатъи назар, тарихдаги энг буюк футболчи бўлади, - дея Мартинеснинг сўзларини келтиради Goal портали.

Криштиану Роналду февраль ойи бошида 41 ёшни қарши олди. Португалияликнинг жисмоний ҳолати аъло даражада ва ҳозирча фаолиятини якунлаш режаси йўқлиги аниқ. Келаётган ёзда Роналду жаҳон чемпионатида иштирок этиши керак. Криштиану учун бу фаолиятидаги олтинчи ва охирги мундиал бўлади.

Абдувалиев Азизбек