"Машъал" "Қизилқум"дан устун келди

Суперлига 25-туридан ўрин олган "Машъал" - "Қизилқум" учрашуви якунига етди. Мазкур баҳсда майдон эгалари 2:1 ҳисобида рақибдан устун келди. 

Дастлаб, меҳмонлар футболчиси Олег Толмасов ҳисобни очган бўлса, 56-дақиқада Чика ҳисобни тенглаштиришга муваффақ бўлди. 72-дақиқада Чиканинг ўзи муборакликларни ҳисобда олдинга олиб чиқди. 

Ушбу ғалабадан сўнг "Машъал" очколари сонини 23 тага етказиб олиб, 10-ўринга кўтарилишга муваффақ бўлди. "Қизилқум" ҳисобидаги 31 очко эса ўзгармай қолди.