"Машъал"даги тотализатор ўйнаган футболчиларни текшириш фикри клубнинг ўзидан чиққан!

"Машъал" жамоасининг бир неча футболчилари келишилган ўйинларда иштирок этгани борасида хабарлар чиққанди. Бу ҳақда клуб матбуот хизмати ўз муносабатини билдирди.

"Про-лиганинг якунига етган мавсумида “Машъал” жуда кўп омадсиз баҳсларни ўтказди. Дастлаб чемпионатда етакчилик ва пешқадамлик қилди. Аммо иккинчи даврада бунинг мутлақо акси бўлди.

Жамоа бундай қатор мағлубиятлар гирдобида қолаётганидан эса клубнинг масъуллари шубҳаланишди. Воқеалар ривожи қандай тус олгани бугун барчага маълум. Сирожиддиин Раҳматуллаев ва Никита Павленко бир йил катта футбол ҳавосидан маҳрум қилинди. Равшан Ягудин ва Достон Тўхтабоевлар эса жамоадошларининг қилаётган ишини сир тутгани туфайли сўнгги огоҳлантиришни олди.

“Машъал” мағлубиятларни эмас, катта мавсум ва чиройли ғалабаларни хоҳлайди. Юқоридаги ҳолатларни айнан клуб рахбарияти ва мураббийлар штаби сай-ҳаракати билан очиқланишига эришилди. Кейинги мавсумда эса жамоанинг ҳар бир катта ва кичик аъзоси қатъий назорат остида бўлади!

Биз келишилган ўйинларга мутлақ қаршимиз ва ҳалол ўйин тарафдоримиз", - дейилади "Машъал" клубининг "телеграм"даги саҳифасида.