Машҳур футболчи Роналду жамоасини тарк этди

Хорватия терма жамоаси собиқ ярим ҳимоячиси Марсело Брозович энди Ар-Риёднинг «Ан-Наср» клуби футболчиси эмас. Бу ҳақда жамоа матбуот хизмати расман маълум қилди.

33 ёшли Брозович Саудия Арабистонида уч мавсум тўп сурди. У шу вақт ичида жамоа сафида 124 та учрашувда майдонга тушиб, 8 та гол урди ва 23 та голли узатма муаллифига айланди. Унинг «Ан-Наср»даги сўнгги мавсуми клуб учун муваффақиятли якунланди – жамоа мамлакат чемпиони бўлди.

Саудия Арабистонига йўл олишидан олдин Брозович саккиз йил давомида Миланнинг «Интер» клуби шарафини ҳимоя қилган. У шу жамоа билан Италия чемпиони, Чемпионлар лигаси финалчиси ва Италия кубогини икки карра соҳиби бўлган. 

2014 йилдан 2024 йилгача Хорватия терма жамоасига чақирилиб келган ярим ҳимоячи миллий жамоа сафида деярли юзта ўйин ўтказган.