Машҳур трио тарқалиш арафасида! Фирмино бугун "Энфилд"даги сўнгги ўйинини ўтказади

Бироздан сўнг АПЛ 37-тури доирасида "Ливерпуль" ўз майдонида "Астон Вилла"ни қабул қилади. Учрашув "Энфилд Роуд" ўйингоҳида бўлиб ўтади. 

Ушбу беллашув ливерпулликлар ҳужумчиси Роберто Фирмино учун клуб майдонидаги сўнгги баҳс бўлади. Аввалроқ, Робертонинг мавсум якунлангач, "Ливерпуль"ни тарк этиши ҳақида хабар бергандик. 

Шу билан мерсисайдликларнинг машҳур триоси тарқаладиган бўлди. Садио Мане аллақачон "Бавария"да, "Бобби" ҳам клубдан кетади. Фақатгина Салоҳ ҳамон "қизиллар" шарафини ҳимоя қилишни давом эттиради. 

Маълумот ўрнида, Роберто "Ливерпуль"даги фаолияти давомида 360 ўйинда қатнашиб, 109 та гол ва 79 та ассист қайд этишга муваффақ бўлган. 

 

Фикрлар

Фикр қолдириш учун авторизациядан ўтинг!