Матиас Весино АПЛ клубига ўтмоқчи

Liverpool Echo маълумотига кўра, "Интер" хавбеки Матиас Весино фаолиятини АПЛда давом эттириши мумкин.

Олдинроқ, 28 ёшли уругвайлик футболчи хизматларига "Эвертон" клуби қизиқиш билдираётгани ҳақида хабарлар тарқалган эди. Ливерпулликлар футболчининг трансферини қишдаёқ ҳал этиш ниятида.

Хабарларга кўра, Весино мерсисайдликлар бош мураббийи Карло Анчелотти қўл остида тўп суриш ниятида, шу сабаб унинг ўзи ушбу трансферни тезлаштиришга қарор қилган.

Эслатиб ўтамиз, "Интер" футболчининг трансфери учун 20 миллион евро талаб қилмоқда.