Маймунга ўхшатилган Винисиусни Неймар қўллаб-қувватлади

ПСЖ ҳужумчиси Неймар ҳамюрти Винисиус Жуниорни қўллаб-қувватлади.

Бир кун аввал Испания спорт агентлари ассоциацияси президенти Педро Браво "El Chiringuito" нашрига берган интервьюсида “Реал” ҳужумчисини гол нишонлаётган ҳолатини маймунга қиёслаган ҳолда ҳақорат қилди: “Агар сиз рақсга тушмоқчи бўлсангиз, у ҳолда рақсга боринг. Бу ерда сиз ҳамкасбларингизни ҳурмат қилишингиз ва маймундек ҳаракат қилишингизни бас қилишингиз керак”.

"Гол уринг, рақсга тушинг ва ўзгарманг! Сизнинг борлигингиздан хурсандман. Дўстим, кейинги голдан кейин бирга рақсга тушамиз”, - деб ёзди Неймар ижтимоий тармоқдаги саҳифаларида.