Mbappe barchasi uchun minnatdorchilik bildirdi

Frantsiyalik hujumchi Kilian Mbappe darvozabon Ugo Lorisning terma jamoadagi faoliyatini yakunlash qaroriga munosabat bildirdi.

"Sardor, hamma narsa uchun rahmat", - deb yozdi hujumchi ijtimoiy tarmoqlarida.

Ma’lumot uchun, Loris Frantsiya terma jamoasi safida o‘yinlar soni bo‘yicha rekordchi hisoblanadi. Ugo terma jamoada 145 ta bahsda maydonga tushgan. Milliy terma jamoa bilan birgalikda u jahon chempioni, shuningdek, Millatlar Ligasi g‘olibi bo‘ldi.

Qatarda bo‘lib o‘tgan jahon chempionatida Loris kumush medalni qo‘lga kiritgandi. Turnirning final uchrashuvida Frantsiya terma jamoasi Argentinaga mag‘lub bo‘ldi (3:3, penaltilar seriyasida 2:4).