Мбаппе барибир "Реал"да ўйнамоқчи

ПСЖ ҳужумчиси Килиан Мбаппе ҳамон "Реал"га ўтишни орзу қилмоқда."The Athletic" хабарига кўра, футболчи ҳам, клуб ҳам ҳамкорликдан манфаатдор.

"Реал Мадрид" Мбаппенинг эҳтимолий трансфери ОАВда муҳокама қилинишини истамайди ва шунинг учун ҳам шахсий, ҳам оммавий равишда бу имкониятни рад этади. Ўтган ёзда Килианни сотиб олиш бўйича муваффақиятсиз таклифдан сўнг Мадрид клуби эҳтиёткорлик билан ҳаракат қилмоқда.

Франциялик ҳужумчи январда Париж жамоасини тарк этмайди. Бироқ клуб Мбаппенинг "Реал"да ўйнаш орзусини унутмаганини билади. Ҳужумчи ва клуб ўртасида кескинлик бор.

Мадридликлар Мбаппенинг трансфери борасида ўтган ёзда эга бўлган тажрибаси туфайли сукут сақламоқда. Бироқ, бу ягона сабаб эмас. "Реал Мадрид" Килианнинг ПСЖ билан шартномасини ва клубдаги қарор қабул қилишда қўллаган таъсирини ҳисобга олсак, ҳар қандай жамоага ўтишни имконсиз деб билади.

Аммо агар вазият ўзгариб, Мбаппе яна "оддий ўйинчи"га айланса, "Реал Мадрид" уни сотиб олишга тайёр бўлади. "Қироллик клуби"да ҳозирча трансфер учун пул бор. 

Фикрлар

Фикр қолдириш учун авторизациядан ўтинг!