Мбаппе Чемпионлар лигасида учта ўйинга дисквалификация қилинди

Европа футбол ассоциациялари иттифоқи (УЕФА) «Лилль» ярим ҳимоячиси Этан Мбаппени 2026/2027 йилги мавсум Чемпионлар лигасининг учта ўйинига дисквалификация қилди.

Бу ҳақда RMC Sport ташкилот баёнотига таяниб хабар берди.

Эслатиб ўтамиз, 19 ёшли француз асосий еврокубок мусобақасининг умумий босқичи 1-турида Испаниянинг «Бетис»ига қарши учрашувда (2:3) тўғридан-тўғри қизил карточка олган эди.

Мбаппе севильяликлар жамоаси ҳимоячиси Натаннинг юзига қўли билан зарба бергани учун майдондан четлатилган. Учрашув бош ҳаками Георги Кабаков видеотакрорни кўриб, футболчига қизил карточка кўрсатган.

Дисквалификация туфайли Мбаппе Чемпионлар лигасида «Арсенал», «Галатасарой» ва «Буде-Глимт»га қарши учрашувларни ўтказиб юборади.

Эслатиб ўтамиз, Этан “Реал” юлдузи Килиан Мбаппенинг укасидир.