Мбаппе даҳшатли маош сўради. “Реал” музокарани тўхтатди

ПСЖ ҳужумчиси Килиан Мбаппе “Реал”га кўчиб ўтганидан кейин ҳам маоши пасайишини истамаяпти.

Marca нашрининг маълумотига кўра, 24 ёшли футболчи мадридликлардан турли шаклдаги тўловлар куўринишида 240 миллион евро талаб қилган.

Бу талаб “Қироллик клуби”га ёқмади.

“Реал” мутасаддилари футболчининг талаблари ўта юқори эканини таъкидлаб, бу трансферни амалга ошириб бўлмаслигини маълум қилди.

Мадрид клуби Мбаппени 2024 йилнинг ёзида эркин агент сифатида ўз сафига қўшиб олмоқчи эди. Бироқ, испанияликлар маош тайинлаш масаласида чегарадан чиқа олмайди.