Мбаппе Месси ва Роналдудан ўзиб кетди

Forbes нашри энг кўп даромад топаётган футболчилар рейтингини эълон қилди. Унга кўра, биринчи поғонани ПСЖ билан катта маблағ эвазига шартнома имзолаган Килиан Мбаппе эгаллаб турибди.

Франциялик ёш ҳужумчи пул топиш бўйича тажрибаси катта ҳамкасблари – Лионель Месси ва Криштиану Роналдудан ўзиб кетди.

Рейтингдаги суммалар солиқ ва агентлик тўловлари чиқариб ташланмаган ҳолатда ҳисобланган.

Энг кўп даромад топаётган ўйинчилар рейтинги қуйидагича кўринишга эга:

1. Килиан Мбаппе (ПСЖ/Франция) — € 131,2 млн (€ 112 млн — футбол, € 19,8 млн — футболдан ташқари фаолият).
2. Лионель Месси (ПСЖ/Аргентина) — € 123 млн (€ 66,6 млн/€ 56,4 млн).
3. Криштиану Роналду («Манчестер Юнайтед»/Португалия) — € 102,5 млн (€ 41 млн/€ 61,5 млн).
4. Неймар (ПСЖ/Бразилия) — € 89,19 млн (€ 56,4 млн/€ 32,8 млн).
5. Муҳаммад Салоҳ («Ливерпуль»/Миср) — € 54,33 млн (€ 35,8 млн/€ 18,5 млн).
6. Эрлинг Холанд («Манчестер Сити»/Норвегия) — € 39,98 млн (€ 35,8 млн/€ 4,1 млн).
7. Роберт Левандовски («Барселона»/Польша) — € 35,88 млн (€ 27,6 млн/€ 8,2 млн).
8. Эден Азар («Реал» Мадрид/Бельгия) — € 31,78 млн (€ 27,6 млн/€ 4,1 млн).
9. Андрес Иньеста («Виссел Кобе»/Испания) — € 30,75 млн (€ 25,6 млн/€ 5,1 млн).
10. Кевин Де Брёйне («Манчестер Сити»/Бельгия) — € 29,73 млн (€ 25,63 млн/€ 4,1 млн).