Мбаппе муаммонинг "уяси"!

Англия терма жамоаси ва “Ливерпуль” собиқ ҳужумчиси Эмиль Хески мерсисайдликларга Килиан Мбаппени трансфер қилмасликни маслаҳат берди.

Айни пайтда франциялик ҳужумчи ПСЖни тарк этиши борасида гап-сўзлар тобора кўпайиб бормоқда. Унга даъвогарлик қилаётган клублар орасида “Ливерпуль” номи ҳам тилга олинмоқда.

- Агар футболчи бир клуб билан шартнома имзолаши билан кетиш пайига тушиб қолса, янги борган жойида ҳам шундай қилмаслигига ким кафолат беради? Катта клубларда ҳар доим юлдузлар бўлади ва уларнинг ҳаммаси биргаликда курашиши талаб этилади, - деди Хески.

Эмиль Хескининг таъкидлашича, Юрген Клопп ўз жамоасида ҳеч кимга алоҳида эътибор билан муомала қилмайди. Шу боис, иззатталаб Мбаппе “Ливерпуль”да ҳам қатор муаммоаларга сабаб бўлиб қолиши мумкин.