Мбаппе ўзини чиқиштирмаган Беллингемга “пахта қўйди”

Килиан Мбаппе ёзда ПСЖ билан шартномани тугатиб, “Реал”га кўчиб ўтганидан кейин мадридликлар бош мураббийи Карло Анчелотти франциялик юлдузни таркибга киритиш учун айрим ўзгартиришларга қўл урди.

Хусусан, ўтган мавсумда “Реал” етакчиси бўлган ва самарали ўйинлари билан ажралиб турган Жуд Беллингем ҳимояга ўтиб ўйнашига тўғри келди. Мавсум бошида статистикаси тушиб кетган англиялик футболчи бош мураббийнинг қароридан очиқчасига норози бўлди.

Айрим экспертлар Жуд Беллингем ўйинда Килиан Мбаппени чиқиштираётгани ҳақида ўз фикр-мулоҳазаларини билдириб ўтди. Беллингем сўнгги бешта ўйинда узлуксиз тўп киритиб келяпти. Хусусан, “Жирона”га қарши ўтказилган беллашувда Беллингем ҳисобни очган бўлса, Мбаппе ўз голи билан ғалабани мустаҳкамлади.

Ўйиндан кейин Мбаппе Беллингем ҳақида фикр билдирди.

- Жуд билан бирга ўйнаш ажойиб ва ҳар гал ўзгача мамнуният бағишлайди. Бу гал ҳам у ажойиб ўйин ўтказди. Беллингем билан бир майдонда ўйнаш мазза экан, - деди Килиан Мбаппе.