Мбаппе ПСЖга қайси мураббийни олиб келиш кераклигини уқтирди
Килиан Мбаппе Париждан кетмоқчи бўлаётгани ҳақидаги хабарлар тингани йўқ. Франциялик ҳужумчи ПСЖ раҳбарияти томонидан берилган ваъдаларнинг ҳаммаси ҳам бажарилмаётганидан норози экани айтилмоқда.
El Nacional нашри тарқатган хабарга кўра, Мбаппе ўзи айтган мутахассис бош мураббийликка олиб келинса, клубдан кетиш фикрини ўзгартирар экан.
Манбанинг таъкидлашича, 24 ёшли ҳужумчи ПСЖни Зинедин Зидан бошқаришини истаяпти. Мбаппе ҳозирги бош мураббий Кристоф Галтьедан фарқли ўлароқ, Зидан жамоани катта совринлар сари етаклай олишига ишонмоқда.
Зинедин Зидан “Реал”да ишлаган даврда мадридликлар қисқа фурсатда уч маротаба Чемпионлар лигаси ва икки марта Испания чемпионатида ғолиб чиққан.
Фикрлар