Мбаппе “реалчилар” билан учрашди (фото)

ПСЖ ҳужумчиси Килиан Мбаппе келаси йили ёзда “Реал”га кўчиб ўтишини яширмаяпти. Ҳужумчининг атрофидаги вазият тобора кескинлашиб бораётган бир пайтда 24 ёшли ҳужумчи “Реал” футболчиси Родриго билан учрашгани ошкор бўлди.

Родриго ижтимоий тармоқдаги саҳифасига Килиан Мбаппе билан бирга тушган суратини намойиш қилди.

Ҳозир Мбаппенинг парижликлар билан муносабати яхши эмас. Клуб уни трансферга қўйган. ПСЖ ўз футболчисини Англия клубларига сотиб юборишга уриняпти.

“Реал” раҳбарияти Мбаппе билан трансфер масалаларини келишиб олгани айтилмоқда. Унга кўра, франциялик футболчи келаси йили ёзда эркин агент сифатида Мадридга келиши керак.