Мбаппе “Реал”да қайси рақамда ўйнаши маълум бўлди

ПСЖ ҳужумчиси Килиан Мбаппе барибир “Реал”га кўчиб ўтади. Бу трансфер келаси мавсумда амалга ошиш эҳтимоли катта.

Мадридликлар шу ёз Мбаппе учун катта харажат қилмай, бир йилдан кейин уни эркин агент сифатида қўлга киритмоқчи.

ESPN нашрининг ёзишича, Мбаппенинг ўзи фақат “Реал”га кўчиб ўтишни истаяпти. Шу боис, у бошқа клублар таклифини кўриб чиқмайди.

Манбанинг таъкидлашича, “Қироллик клуби” Мбаппе учун рақам ҳам танлаб қўйган. Улар франциялик ҳужумчига Карим Бенземадан қолган 9-рақамни тақдим қилади.