Мбаппе “Реал”ни фитналар ортида ПСЖ турганига ишонтирди

“Реал” ҳужумчиси Килиан Мбаппе Швецияга қилган саёҳати давомида зўравонликда айбланаётган эди. Швеция полицияси ҳолат бўйича суриштирув ишларини олиб бормоқда.

25 ёшли франциялик ҳужумчи “Қироллик клуби”га бу ҳолат ўзига нисбатан фитна экани ва уни ПСЖ хўжайини Нассер Ал-Хелаифий уюштираётганини таъкидлади. Бу ҳақда Cadena Ser нашри хабар берди.

Манбага кўра, Мбаппенинг юзага келган вазият ПСЖ хўжайини томонидан қўйилган “тузоқ” эканига ишончи комил.  Чунки футболчи зўравонлик қилган ҳақидаги хабарларни ПСЖ назоратидан оммавий ахборот воситалари тарқатмоқда.

Шу ўринда, Килиан Мбаппе “Пари Сен-Жермен” билан 55 миллион евро миқдоридаги маблағни олиш учун судлашмоқда. Парижликлар франциялик ўйинчи клубда қолмаслигини маълум қилганидан кейин унинг бир неча ойлик маоши ва бонус пулларини бермаган.