Мбаппе учун 300 миллион санаймиз

Football France нашрининг маҳлум қилишича, ПСЖ асосий ҳужумчиси Килиан Мбаппени сотишга тайёр ва уни оладиган клуб трансферга 300 миллион евро сарфлаши, ўйинчига беш йиллик шартнома бериши керак.

ПСЖ Мбаппени ушлаб туриш учун бир йилда 100 миллион еврога яқин харажат қилмоқда. Килианнинг ўзи дунёдаги бирор жамоа бунча харажатга кўнмаслигини билади.

24 ёшли ҳужумчи ўзининг йиллик хизмат ҳақини 60 миллион евродан кам бўлмаган суммага баҳолаган.

“Челси” хўжайини Тодд Бёли Мбаппенинг жаҳон чемпионатидаги ўйинидан ҳайратга тушди. Манбалар “аристократлар” бу тўпурар учун талаб қилинаётган трансфер суммасини санашга тайёрлигини ёзмоқда.

Клуб хўжайини Мбаппенинг трансфери “Челси” ғазнасига медиа соҳаси орқали катта даромад келтиришини кутяпти. Чунки бу ҳужумчининг мухлислари сони кунма-кун ортиб бормоқда.

Спортчиларга катта маош тўлашдан қочмайдиган Тодд Бёли Мбаппе трансфери амалда унинг ғазнасига яхшигина даромад келтиришига ишонади.