Мбаппе унга президент таъсир ўтказа олмаслигини айтди

Ўтган йили Килиан Мбаппе ПСЖдан кетишга шайланганида Франция президенти Эммануэль Макрон ундан Парижда қолишини ва ПСЖда ўйнашини сўраган эди.

Ўшанда Мбаппе ПСЖ билан ҳамкорликни узайтиришга қарор қилган ва бу танлови билан “Реал”нинг ҳафсаласини пир қилганди.

Энди 24 ёшли ҳужумчи яна ПСЖни тарк этиб, "Реал"га ўтиши мумкинлиги айтилмоқда. Мбаппе мамлакат президанти аралашуви ҳақида фикр билдирди.

- Президент қандай таъсирга эга эканини сўрашяпти. Ҳозирги 2023 йилда ҳеч қандай таъсир ўтказа олмайди. У Парижда қолишимни истайди, мен ҳозир шу ердаман, ҳар иккимиз бир томондамиз, - деди Килиан Мбаппе.