Мбаппе ва Винисиус Ла Лигада дриблинг бўйича иккинчи ўринни бўлишмоқда

Мадриднинг "Реал" клуби ҳужумчилари Килиан Мбаппе ва Винисиус Жуниор жорий мавсум Ла Лигада энг кўп муваффақиятли дриблинг амалга оширган футболчилар қаторида иккинчи ўринни эгаллашмоқда. "Squawka" маълумотига кўра, ҳар икки футболчи рақибларини 30 марта алдаб ўтган.

Рейтингда фақат "Барселона"нинг футболчиси Ламин Ямал юқори – у 33 та дриблинг билан лидерлик қилмоқда. Шунингдек, биринчи бешликка "Реал Сосьедад"дан Андер Барренечеа (29) ва "Реал Овьедо"дан Хессем Хассан (28) киради.

12 турдан сўнг "Реал" Испания чемпионати жадвалида 31 очко билан етакчи бўлиб турибди. "Барселона" эса 28 очко билан иккинчи ўринда, "Вильярреал" ва "Атлетико" эса тегишли равишда 26 ва 25 очко билан учинчи ва тўртинчи ўринларда жойлашган.