Мбаппега АПЛ клуби жиддий қизиқиш билдирмоқда

"Ливерпуль" ПСЖ ҳужумчиси Килиан Мбаппега қизиқиш билдирмоқда.

Манба берган хабарга кўра, инглиз клуби парижликлар билан футболчининг бир йиллик ижараси бўйича музокаралар олиб бормоқда. Мерсисайдликларга ҳужумчи аввалроқ "Ливерпуль" ва унинг бош мураббийи Юрген Клопп ҳақида ижобий фикрлар билдиргани, шунингдек, унинг онаси ва агенти Фейс Ламарига бу жамоа ёқаётгани хабар берилган. Франциялик футболчининг вакиллари унинг трансфери имкониятларини "Монако"дан ПСЖга ўтишидан олдин ҳам муҳокама қилган.

Аввалроқ, Мбаппе Саудиянинг "Ал-Ҳилол" клубига ўтишдан бош тортгани ҳақида хабар берилганди.