Мбаппега танқид тошлари келишда давом этмоқда

Афсонавий француз футболчиси Тьерри Анри Килиан Мбаппенинг ПСЖдаги ролидан норози бўлганлиги ҳақида айтган гапларига муносабат билдирди.

“Мен ўзимдан мисол келтираман. "Барселона"да мураббийлардан кўпроқ ўйнашни сўраш менга сира ёқмасди. Мен буни ёмон кўрардим, лекин жамоа учун шундай ҳаракат қилишим керак эдики, ҳеч қандай имкон қолдирмаслигим керак эди. Битта қоида бор: мураббий сиздан бирор нарса қилишни сўраса ва бу жамоа учун фойдали бўлса, буни қилиш керак. Акс ҳолда жанжаллашиб қоласиз”, - деди жаҳон ва Европа чемпиони.

Эслатиб ўтамиз, шу кунларда Мбаппе қишда ПСЖни тарк этишни истаётгани ҳақида жуда кўп миш-мишлар тарқалмоқда.