Мбаппени ҳақорат қилган Парагвай сенатори сўзлари учун узр сўрамоқчи эмас

Парагвайлик сенатор Селесте Амарилья Франция терма жамоаси ҳужумчиси Килиан Мбаппе ҳақида айтган ҳақоратли сўзлари учун узр сўраш нияти йўқ.
«У бу гапларни ўз номидан, хусусий шахс ва миллий жамоа мухлиси сифатида айтган. Бу Парагвай давлати ёки давлат мансабдори сифатида билдирилган расмий позиция эмас», — дея адвокат Амарильянинг сўзларини келтиради Marca нашри.

Ҳимоячига кўра, агар иш судгача етиб борса, Мбаппе Парагвай расмий органлари олдида кўрсатма бериш учун чақирилиши эҳтимолдан ҳоли эмас.

Аввалроқ Амарилья Мбаппе ҳақида қўпол баёнотлар берган ва 2026 йилги жаҳон чемпионати 1/8 финалидан кейин Парагвай терма жамоаси футболчилари орасида ҳеч ким унга чапалак туширмаганини танқид қилган эди. Мбаппе ушбу сўзларга жавоб қайтарган, Франция футбол федерацияси эса прокуратурага расмий ариза билан мурожаат қилган.