МДҲ ўйинлари якунланди. Ўзбекистон делегацияси 91 та медални қўлга киритди

Россиянинг Қозон шаҳрида бир неча куни давом этган МДҲ ўйинлари ўз якунига етди. Мазкур илк бора ташкил қилинган мусобақада спортчиларимиз муносиб иштирок этиб, умумжамоа ҳисобида иккинчи бўлди. Ўзбекистон делегацияси жами 91 та медални қўлга киритди.

Яъни, 23 та олтин, 32 та кумуш ва 36 та бронза медалига эга чиқиб, юқорида таъкидлаб ўтганимиздек, 9 мамлакат ичида иккинчи ўринни эгаллади.

Биринчи ўрин мезбон Россияга насиб этган бўлса, учинчи ўрин  Қозоғистон вакилларига насиб қилди.