Меҳмонда ғалаба қозонган "Тоттенхэм" "Ливерпуль"ни ортда қолдирди

Англия Премьер-лигаси 18-туридан ўрин олган қолдирилган учрашув бўлиб ўтди. Унда "Тоттенхэм" "Астон Вилла" майдонидан 2:0 ҳисобидаги ғалаба билан қайтди.

Дастлаб, Карлос Винисиус 29-дақиқада ҳисобни очди. Лукас Моуранинг узатмасидан кейин бўш қолган дарвозага тўпни йўллади. Кейинчалик, Харри Кейн 11 метрлик жарима нуқтасидан жамоасининг иккинчи голини киритди.

Шундай қилиб, 3 очко қўлга киритган "шпорлар" 6-ўринга кўтарилиб олди. "Астон Вилла" эса 10-поғонани банд этган.