Men “Barsa”da o‘ynashga tayyorman!

“Barselona” rahbariyati qiziqish bildirayotgan “Manchester Siti”ning hujumkor futbolchisi Ilkay Gyundog‘an Kataloniyaga ko‘ib o‘tishga tayyor ekanini bildirdi.

Germaniyalik yarim himoyachi “shaharliklar” bilan yangi bitim imzolashga shoshilmayapti. Ma’lumotlarga qaraganda, u “Barselona”ning rasmiy taklifini kutmoqda.

Ilkay Gyundog‘anning manchesterliklar bilan shartnomasi 2023 yilning yozigacha davom etadi. Kataloniyaliklar 30 yoshli futbolchini qo‘lga kiritish uchun xarajat qilishiga to‘g‘ri keladi. Biroq, moliyaviy inqiroz davom etayotgan paytda Ronald Kuman asosan erkin agentga aylagan futbolchilarga e’tibor qaratmoqda.

Germaniyalik futbolchi Angliya premer-ligasida besh mavsumdan beri to‘p tepmoqda va u jami 130 ta uchrashuv o‘tkazib, jami 28 ta gol urdi va sakkizta assist muallifi bo‘ldi.