Мен “Манчестер Юнайтед”да қоламан!

The Mirror нашрининг хабар беришича, “Манчестер Юнайтед” сардори Ҳарри Магуайр “Барселона”га ўтишдан бош тортган. Манбанинг таъкидлашича, клуб раҳбарияти тажрибали ҳимоячини Френки де Йонг трансферига қўшмоқчи бўлган.

Бироқ, Англия терма жамоаси ўзидан бу тарзда фойдаланмоқчи бўлишганига қаттиқ қарши чиқди. Кейинги пайтда кўп танқид остига олинаётган Магуайр янги бош мураббий қўл остида “Манчестер Юнайтед”га керакли ўйинчи эканини исботламоқчи.

29 ёшли футболчи 2019 йилдан бери манчестерликлар шарафини ҳимоя қилиб келмоқда. Бунгача у “Шеффилд Юнайтед”, “Халл Сити”, “Уиган” ва “Лестер” жамоалари сафида тўп тепган.

Магуайр фаолияти давомида 477 та учрашувда қатнашиб, 28 та гол ва 24 та ассист муаллифи бўлган.