“Мен Месси билан трансфер ҳақида гаплашдим”

“Интер” таркибида илк бор чемпионлик унвонига сазовор бўлган Лаутаро Мартинес “Барселона” ёки “Реал”га ўтиб кетишга яқин келгани ҳақида гапириб берди.

- “Барселона” билан музокара ўтказдим, лекин каталонияликларда молиявий муаммо чиқиб қолди. Мен ўсишим учун “Интер”да қолишга қарор қилдим. Трансфер ҳақида Лионель Месси билан ҳам гаплашгандим. Трансфер жуда яқин эди, лекин амалга ошмай қолди. Италия чемпиони бўлганим Миланда қолиш қарорим тўғри эканини кўрсатди.

Мен “Расинг”да ўйнаб юрган пайтимда “Реал”дан ҳам таклиф бўлганди. Ўшанда мен Аргентинадан кетишни истамагандим. У пайтлар тажрибам йўқ эди ва мен ўз юртимда танилишни истагандим. “Интер”га эса, Европа футболига тайёр бўлганимдан кейин ўтдим, - дейди Лаутаро Мартинес.

“Интер” Лаутарони қўлга киритиш учун 2018 йили 25 миллион евродан воз кечганди. Аргентиналик ҳужумчи чемпионлик мавсумида барча турнирларда 44 та ўйин ўтказиб, рақиблар дарвозасини 17 маротаба ишғол қилди.

Фикрлар

Фикр қолдириш учун авторизациядан ўтинг!