Менга босим қилманглар!

“Барселона” плеймейкери Френки де Йонг келаси йили Чемпионлар лигасида иштирок этмайдиган “Манчестер Юнайтед”га ўтишни истамаяпти.

Манчестерликлар бош мураббийи Эрик тен Хаг эса янги таркибни айнан мана шу футболчи атрофида шакллантирмоқчи ва биринчи бўлиб Френкининг трансферини амалга оширишни талаб қиляпти.

Каталонияликлар ярим ҳимоячи учун катта сумма сўраган ва бу трансфер ёрдамида молиявий муаммоларининг бир қисмини ҳал қилиб олмоқчи.

Френки де Йонг “Барселона”да 2019 йилдан бери тўп тепяпти. Шу пайтгача жми 138 та учрашувда қатнашиб, 12 та гол ва 17 та ассист муаллифи бўлди.