Месси Австрияга қарши ўйинда "ЖЧ-2026"да учта янги рекорд ўрнатиши мумкин

Аргентина жаҳон чемпионати гуруҳ босқичида Австрияга қарши баҳсга ҳозирланмоқда. Учрашув 22 июнь куни бўлиб ўтади. Агар жамоа етакчиси Лионель Месси майдонга тушса, у бир вақтнинг ўзида бир нечта тарихий кўрсаткичларни янгилаш имкониятига эга бўлади.

Аргентина терма жамоаси сардорига яна бир гол кирадиган бўлса, у кетма-кет 6 ўйинда гол урган футболчилар рекордига етиб олади. Ҳозирча бу кўрсаткич Жюст Фонтен ва Жаирзиньога тегишли.

Шунингдек, Месси жаҳон чемпионатлари тарихида энг кўп гол урган футболчилар рўйхатида Мирослав Клозе билан бирга биринчи ўринни бўлишиб турибди — ҳар иккиси ҳисобида 16 тадан гол бор. Яна бир гол аргентиналик ҳужумчига бу кўрсаткич бўйича якка етакчига айланиш имконини беради.

Алоҳида рекорд узоқ масофадан берилган зарбалар бўйича ҳам қайд этилиши мумкин. Месси ҳозирга қадар жаҳон чемпионатларида жарима майдони ташқарисидан 5 та гол урган.