Messi: “Barsa”da menga hurmatsizlik qilishmas edi!

PSJ hujumchisi Lionel Messi muxlis jamoa Chempionlar ligasidan chiqib ketganidan keyin o‘yinlar davomida argentinalik futbolchiga hushtakbozlik qilganiga munosabat bildirdi.

- Bu men uchun yangilik va boshqacha vaziyat. “barselona”da menga hech qachon bunday qilishmagan. Aksincha, olqishlashardi.

Odamlarning vaziyatini va o‘yinchilarga nafratini tushunaman, oradan yana bir yil o‘tdi va bu holat yana takrorlandi. Chempionlar ligasidan chiqib ketganimiz uchun muxlislar g‘azabda. Kaltak menga va Neymarga tegmoqda, - dedi Lionel Messi.

Messi faoliyati ilk bor “Barselona”dan boshqa jamoada o‘ynadi. Parij kelubi mamlakat chempionatida g‘olib chiqqan bo‘lsa-da, xalqaro maydonda natija muxlislarga ma’qul kelmadi.