Месси “Барса”нинг супер таклифини қабул қиладими?

24 январь куни “Барселона”га янги президент сайланади. Раҳбарлик курсисини кўзлаётган сайловчиларнинг ишончини қозониш учун турли ваъдаларни бермоқда. Кимлардир президент бўлса, Каталонияга Неймар қайтариши айтмоқда, бошқаси Килиан Мпаббени, яна бири Эрлинг Холандни олиб келишини таъкидлаяпти.

Номзодлардан бири Виктор Фойт сайловда ғолиб чиқиш учун Лионель Месси номидан фойдаланишга қарор қилди. У таклиф қилаётган лойиҳа Мессининг тарафдорларига жуда хуш келмоқда.

- Мессига бир умрлик шартнома таклиф қилиш – идеал вариант. Аввало биз уни бир неча йил жамоада ўйнайдиган футболчи сифатида клубда олиб қолишимиз керак. Футболчилик фаолиятини якунлаганидан кейин яхши лаврзим берамиз. Чунки у клубга кўп нарса бера олади, - дейди Виктор Фойт.

Лионель Мессининг “Барселона”даги келажаги ҳамон мавҳумлигича қолмоқда. Унинг шартномаси ёзда якунланади. Аргентиналик ҳужумчи қарорини мавсум якунлангач, эълон қилишини билдирган.