Месси "Барселона" тарихига кирди

Хабарингиз бор кеча Испания Ла Лигасининг 35-турида “Барселона” ўз майдонида “Леванте”ни қабул қилди ва 1:0 ҳисобида ғалаба қозонди. Шу тариқа улар мавсум якунланишига 3та тур қолганида муддатидан аввал чемпионликни расмийлаштиришди.

Эътиборлиси, бу каталонияликлар етакчиси Лионель Месси учун фаолиятидаги 10-чемпионлик титули бўлди. Mister Chip нашри тарқатган хабарга кўра 31 ёшли аргентиналик футболчи “Барселона” сафида Ла Лига чемпионлигини энг кўп қўлга киритган футболчига айланди.

Маълумот учун, Месси жорий мавсум Испания чемпионатида ҳозирча 32та ўйинда майдонга тушиб, рақиблари дарвозасига 34та гол урди.