Месси "Барселона"га иккита муҳим шарт қўйди

Аргентина терма жамоаси ва ПСЖ ҳужумчиси Лионель Месси "Барселона"га қайтишга тайёр. Бунинг учун "кўк-анорранглилар" иккита шартни бажариши керак, деди журналист Маттео Моретто ижтимоий тармоқларда.

Биринчи шарт - Каталония гранди яқин ўн кун ичида Мессига "Барселона"нинг молиявий қийинчиликларига қарамай, унинг трансфери амалга ошишига кафолат бериши керак.

Иккинчи шарт - 35 ёшли аргентиналик футболчи ҳозирда клуб тарбияланувчиси Ансу Фати тўп сураётган ўнинчи рақамни қайтариб олиш.

Месси 2003 йилдан 2021 йилгача "Барселона"да ўйнаган. У сўнгги икки мавсумни ПСЖда ўтказди.