Месси "эль-класико"ни телевизорда томоша қилди ва ...

Аргентиналик ҳужумчи Лионель Месси "эль-класико"ни телевизорда томоша қилди.

"Камп Ноу"да бўлиб ўтган Испания кубоги ярим финалининг жавоб учрашувида "Реал" Мадрид "Барселона"ни 4:0 ҳисобида мағлуб этиб, икки ўйин натижасига кўра финалга йўл олди. Ўйиннинг 10-дақиқасида “Барселона” мухлислари “Месси! Месси!” деб куйлашди.

Маълум бўлишича, Лионель учун қўшиқлар "Барселона" раҳбарлари томонидан уюштирилган.

La Vanguardia нашри хабарига кўра, 2021 йилдан бери ПСЖда ўйнаб келаётган "Барселона"нинг собиқ ҳужумчиси ўйинни телевизор орқали томоша қилган ва мухлисларнинг ҳайқириқларини эшитган.

Олдинроқ, аргентиналик футболчи мавсум якунлангач, “Барселона”га қайтиши мумкинлиги ҳақида хабарлар тарқалган эди.