Месси футбол қироли Пеледан ўзиб кетди

Аргентина терма жамоаси ҳужумчиси ва сардори Лионель Месси жаҳон чемпионатлари плей-офф босқичларидаги самарали ҳаракатлар сонини 12 тага етказди. 

У 2026 йилги жаҳон чемпионати 1/16 финал босқичида Кабо-Верде дарвозасига гол ургач, унинг ҳисобида плей-оффда олти гол ва олти голли узатма қайд этилди.

Шу тариқа, 39 ёшли аргентиналик футболчи бу кўрсаткич бўйича Франция терма жамоаси форварди Килиан Мбаппе ва Бразилия терма жамоасининг афсонавий собиқ футболчиси Пелени (уларнинг ҳар бири 11 та самарали ҳаракатга эга) ортда қолдирди. Бу ҳақда Opta маълумот берган.

Аргентина ва Кабо-Верде терма жамоалари ўртасидаги учрашув Майами шаҳридаги «Хард Рок» стадионида ўтказилди. Месси ҳисобни 29-дақиқада очди. Умуман олганда, 39 ёшли ҳужумчи жаҳон чемпионатлари доирасида жами 20 та гол урган ва бу кўрсаткич ҳам мутлақ рекорд ҳисобланади.