Месси футбол тарихида ҳеч кимга насиб этмаган икки рекорд ўрнатди

Аргентина терма жамоаси ҳужумчиси Лионель Месси жаҳон чемпионатлари тарихида яна бир қатор ўзига хос рекордларга эга чиқди. 

Саккиз карра "Олтин тўп" соҳиби 2026 йилги мундиалнинг 1/16 финал босқичида Кабо-Верде термасига қарши ўйиннинг биринчи бўлимида гол урди.

Ушбу гол туфайли Месси футбол тарихида илк бор икки хил жаҳон чемпионатида камида еттитадан гол урган ягона футболчига айланди. 

Шунингдек, у терма жамоалар ўртасидаги энг нуфузли мусобақанинг барча босқичларида тўп киритган биринчи ўйинчи сифатида ҳам тарихга кирди. Лионель жаҳон чемпионати гуруҳ босқичининг учала турида ҳам гол киритган, плей-оффда эса 1/16 финалдан бошлаб финалгача бўлган барча босқичларда рақиб дарвозасини ишғол этган.

Миллий терма жамоа сафидаги бутун фаолияти давомида 39 ёшли Месси рақиблар дарвозасига 124 та тўп жойлаган ва жамоадошларига 64 марта голли пас берган.