Месси икки йил олдин “Барселона”дан нега кетиб қолгани сабабини ошкор қилди
Лионель Месси “Интер Майами”га кўчиб ўтиши аниқ бўлганидан кейин 2021 йилда нега “Барселона”ни тарк этгани сабабларини ошкор қилди.
Ўшанда томонлар узоқ музокара олиб борганига қарамай, янги шартнома имзоланмаган эди.
Нега икки йил олдин “Барселона” билан шартнома имзоламаганим ва кетиш кераклигини қачон тушуниб етганим ҳақида сўрашади. Бу жуда оғир қарор бўлган. Лекин ҳаммаси ўтмишнинг гаплари эканини яна бир бор таъкидлайман.
Бу ёқимсиз ҳолат эди. Биз оиламиз билан Испанияда яшаймиз, деган орзу-хаёлларга чўмиб қолган эдик. Мен машғулотларга, болалар мактабга қатнардик.
Шартнома имзолашимиз керак бўлган санадан бир кеча олдин менга битим тузиш имконсиз экани ва клубни тар этишим шартлигини айтишди. Шошилинчда бошқа клубга ўтиш ҳақида қарор қабул қилишимга тўғри келди.
Бошимиздан кечирганларимиз биз учун катта синов бўлди, - деди Лионель Месси.
Фикрлар