“Месси иши” Ямалнинг “Барса”даги келажагига таъсир қиляпти

“Барселона” раҳбарияти ёзда асосий юлдузларидан Ламин Ямалга янги шартнома таклиф қилади. Клуб мутасаддилари ҳужжатни ишлаб чиқишда Лионель Месси билан муносабатлар йўл қўйилган хатоларни такрорламасликка ҳаракат қилмоқда.

Маълумки, “Барселона” ва Месси узоқ йиллар ҳамкорлик қилган ва бу жараёнда бир неча бор келишув янгиланган. Аргентиналик юлдузнинг маоши йиллар давомида бир неча баравар оширилган. Оқибатда бу клубда молиявий инқирознинг келиб чиқишига ва томонлар муносабатининг бузилишига олиб келган.

“Барселона” Ламин Ямал 18 ёшга тўлиши билан унга 2030 йилгача давом этадиган битим беради. Келишувга кўра, Ламин клубда энг катта маош оладиган футболчига айланади.

Шартноманинг муҳим жиҳати шундаки, Мессининг келишувидан фарқли равишда Ямалнинг битими якунлангунича унинг маоши ошмайди ва битта сумма сақланиб қолади.