Месси жаҳон чемпиони бўлса ҳам, Роналду ундан зўрми?

“Реал” бош мураббийи Карло Анчелотти Аргентина терма жамоасининг Қатардаги жаҳон чемпионатида ғалаба қозонганига муносабат билдириб, жаҳон футболида Лионель Месси ва Криштиану Роналду рақобатига ҳам тўхталиб ўтди.

- Роналду ва Месси ўртасидаги рақобат бу ўйинчиларни ҳар доим юқори даражада қолишига хизмат қилди.

Охир-оқибат, Лионель жаҳон чемпионатида ғолиб чиқди, Криштиану эса бу совриндан қуруқ қолди.

Шунга қарамай, Роналду футболчилик фаолиятини ажойиб тарзда ўтказди. Айниқса, “Реал”да ўйнаган даврида, - деди Карло Анчелотти.

Айни пайтда Роналду ишсиз юрибди. Жаҳон чемпионати давом этаётган пайтда “Манчестер Юнайтед” португалиялик футболчи билан амалдаги шартномани бекор қилган эди.