Месси кетса кетар!

Испания примераси президенти Хавьер Тебас Лионель Мессининг “Барселона”лан ПСЖга кўчиб ўтгани миллий чемпионатга таъсир қилмаганини таъкидлади.

- Мессининг кетиши примерага молиявий зарар келтирдими? Умуман примера бундан зиён криши мумкинми? Йўқ. Ҳеч қандай таъсири бўлгани йўқ. Худди Роналду сингари бир-икки юлдузнинг кетиши примера нуфузига таъсир қилмайди.

А Серияга қаранг, Роналду борганидан кейин ўсишга эришгани йўқ. Мана биз ESPN билан саккиз йиллик битим туздик. Саккиз йил ичида примерада кимлар ўйнашини ким билади. Ҳеч ким билмайди.

Лекин улар бу молиявий жиҳатдан қудратли лига эканини ва доим бу чемпионатда яхши ўйинчилар тўп тепишини билишади, - деди Хавьер Тебас.

Аслида мутахассислар Месси ва Роналдунинг вақти ўтган, деб ҳисобламоқда. Кейинги давр юлдузлари Килиан Мбаппе ва Эрлинг Холанд келаси мавсумдан фаолиятини айнан Испанияда давом эттиришни истаётгани ҳақида хабарлар чиқмоқда.