Месси кучли бешлик чемпионатларида энг яхши ассистентга айланиб олди

Хабарингиз бор кеча "Барселона" Ла Лиганинг 27-турида ўз майдонида "Райо Вальекано"ни қабул қилди ва 3:1 ҳисобида ғалаба қозонди.

Шу куни каталонияликлар сардори Лионель Месси гол уриш билан бирга жамоадоши Жерар Пикенинг голига ҳам ассистентлик қилди. SportsCenter тарқатган хабарга кўра бу 31 ёшли аргентиналик футболчи учун Ла Лигадаги 12-голли узатма бўлди.

Шу тариқа Месси бу борада “Челси” вингери Эден Азардан (11) ўзиб кетди ва жорий мавсум Европа кучли бешлик чемпионатларида ассистентлик қилиш бўйича пешқадамга айланиб олди.

Таъкидлаш керакки, Месси ва Азардан кейинги ўринларда Жошуа Киммих (“Бавария”), Жейдон Санчо (“Боруссия Д”) ва Райан Фрейзер (“Борнмут”) каби футболчилар боришмоқда. Улар ҳисобида ҳозирча 10тадан ассист мавжуд.