Месси Ла Лига тўпурарлар пойгасида пешқадамликни қўлга олди

“Барселона” форварди Лионель Месси бугун Ла Лиганинг 18-туридан ўрин олган “Гранада”га (4:0) қарши ўйинда дубль қайд этди.

Ушбу ўйиндан сўнг 33 ёшли аргентиналик футболчининг чемпионатдаги голлари сони 11 тага етди ва у тўпурарлар пойгасида Яго Аспас (9 та гол, «Сельта»), Луис Суарес (9 та гол, «Атлетико») ва Жерар Моренодан (10 та гол, «Вильярреал») ўтиб кетиб, пешқадамга айланиб олди.

"Барселона" бугунги ғалабадан сўнг ўз ҳисобидаги очколар сонини 34 тага етказиб олди ва мусобақа жадвалида кучли учликка кириб олди.