Месси: маош оз бўлса ҳам, шу жамоада ўйнаганим маъқул

Лионель Месси яқин кунлар ичида “Барселона”га ўтади,  чунки у фаолиятини қадрдон клубида давом эттирмоқчи, - деб хабар тарқатди Испаниянинг Sport нашри.

Манбанинг таъкидлашича, 35 ёшли юлдуз “Барса”да текинга ўйнашга тайёр. Бироқ, Ла Лига қоидалари бунга тўсқинлик қилади. Қоидага кўра, Испания чемпионати юқори дивизионида энг кам маош миқдори йилига 200 минг евро қилиб белгиланган.

Маълумотларга қараганда, Месси маошининг минимал даражага олиб келинишига қарши эмас.

Ла Лигада маошлар бўйича экспертлар қўмитаси бор. Бу қўмита Мессининг маоши бир мавсум учун 25 миллион евро бўлиши кераклигини таъкидламоқда.