Месси масаласида “тоза иш” бўлмаган! Куман сирларни оча бошлади

“Барселона”нинг собиқ бош мураббийи Рональд Куман икки йил муқаддам каталонияликлар Лионель Мессини қўйиб юборгани катта хато бўлганини таъкидлади.

- Мессини қўйиб юбориш “Барселона”нинг катта хатоси эди. Клуб учун ўта муҳим бўлган инсонга нисбатан бундай йўл тутиб бўлмайди.

Бу “тоза иш” бўлмаган. Бу хатони тўғрилаб бўлмайди. Бу ишларнинг оқибати ҳам ечим хато бўлганини кўрсатди, - деди Рональд Куман.

Месси Каталониядан кетиб, икки мавсум ПСЖда тўп тепди. Бундан буёғига аргентиналик юлдуз АҚШ чемпионатида “Интер Майами” шарафини ҳимоя қилади.