Месси ўзининг рекордини янгилади, бундай натижага тарихда ҳеч ким эришмаган

Аргентиналик юлдуз футболчи Лионель Месси жаҳон чемпионатлари тарихига яна бир бор ўз номини ёзди. У мундиал ўйинларида кетма-кет саккизта учрашувда гол урган илк футболчига айланди.

Аргентина терма жамоаси сардори ўзининг ҳайратомуз сериясини Кабо-Вердега қарши баҳсда ҳам давом эттирди. Месси яна бир бор рақиб дарвозасини ишғол этиб, ҳеч бир футболчига бўйсунмаган бу рекордини янгилади. 

Шу тариқа, у сайёрамиздаги энг нуфузли мусобақада кетма-кет саккизта ўйинда гол киритишга эришди. Аввалроқ Месси 2026 йилги мундиал доирасида Иордания (3:1), Австрия (2:0), Жазоир (3:0), 2022 йили Қатардаги жаҳон чемпионатида Франция (3:3, 4:3 пен.), Хорватия (3:0), Нидерландия (2:2, 4:3 пен.) ва Австралияга (2:1) қарши учрашувларда ҳам гол урган эди.

Месси, шунингдек, жаҳон чемпионатларидаги шахсий голлар рекордини ҳам янгилади — эндиликда унинг ҳисобида 20 та гол бор. Шу билан у асосий таъқибчиси Килиан Мбаппедан узоқлашди, француз ҳужумчисининг ҳисобида ҳозирча 18 та гол сақланиб турибди.