Месси ўз юбилейида "Барса" ғалабасига муносиб ҳисса қўшди

Испания Ла Лигаси 17-туридан ўрин олган баҳслар ўтказилмоқда. Чемпионлик учун доимий даъвогарлардан бири "Барселона" "Уэска" майдонидан 1:0 ҳисобидаги ғалаба билан қайтди.

Ўйин тақдирини ҳал этган ягона гол 27-дақиқада Френки Де Йонг томонидан киритилди. Мессининг моҳирона узатмасидан кейин тўпни нидерландиялик хавбек дарвозага тўғирлаб юборди.

Ушбу ғалаба натижасида "кўк-анорранглилар" очколари сони 28 тага етди ва улар 5-ўринга кўтарилиб олди. Ўз уйида мағлуб бўлган "Уэска" 12 очко билан сўнгги поғонада қолди.

• 90+2'
  

  Учрашув якунланди. Матнли трансляция Жавоҳир Азимов томонидан олиб борилди!

• 90'
  

  Ўйиннинг асосий вақтига 2 дақиқа қўшиб берилди.

• 89'
  

  Альба ўйиндан ташқари ҳолатда қолиб кетди.

• 87'

  Яна бир зарба Тер Штегеннинг қўлларига келиб тушди. "Барса" қийин аҳволга тушиб қоляпти.

• 85'
  

  Узоқ масофадан берилган зарба ва Тер Штеген ўз ўрнида.

• 83'

  Майдон эгалари фаолликни оширди. Энди каталонияликлар ҳам ҳимоя ҳақида ўйлашга мажбур бўлмоқда.

• 81'
  

  Антуан Гризманн Мартин Брейтуэйт ўрнига ўйинга қўшилди.

• 79'

  Дембелега нисбатан ишлатилган қўполлик учун "Барса" яхши стандарт ишлаб олди.

• 77'

  Пьяничнинг зарбаси жуда ноаниқ кетди. Бунга қисман майдон ҳолати ҳам сабаб бўлмоқда. Майдонда юзага келган кичик кўлмаклар тўп йўналишига таъсир кўрсатяпти.

• 75'
  

  Дест ва Бускетс захирага олинди. Улар ўрнига Мингеса ҳамда Пьянич майдонга тушди.

• 74'
  

  Жарима майдони ташқарисидан берилган зарбани Тер Штеген ушлаб олди.

• 72'
  

  Хайме Сеоане ва Хорхе Пулидо ўрнига Хуан Карлос ҳамда Давид Феррейро ўйинни давом эттиради.

• 70'

  Ўйин ҳар икки томоннинг фаоллиги остида давом этмоқда.

• 68'
  

  Мессининг аниқ зарбасини дарвозабон қайтаришга эришди.

• 65'
  

  Микель Рико ўз ўрнини Идрисса Думбага бўшатиб берди.

• 63'
  

  Бурчакдан етказиб берилган тўпга Висенте чиройли зарба йўллади. Тер Штегеннинг кучли реакцияси "Барса"ни голдан асраб қолди.

• 62'

  Мезбонлар фаолликни оширди. Бу сафар улар бурчак тўпи ишлаб олди.

• 60'

  Мессининг навбатдаги зарбаси ҳам ноаниқ кетди.

• 58'

  Брейтуэйт ҳужумда қоида бузди.

• 56'

  "Уэска"нинг камсонли ҳужумларидан навбатдагиси бесамар якунланди.

• 54'

  Каталонияликлар рақиб жарима майдонига ёриб киришда муаммоларга дуч келмоқда.

• 51'

  Мессининг зарбаси осмон-у фалакка равона бўлди. Одатда, Леонинг зарбалари бунчалик ноаниқ кетмасди.

• 48'

  Бўлимни меҳмонлар фаоллик билан бошлади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45'
  

  Биринчи бўлимга вақт қўшиб берилмади. Танаффус!

• 43'

  Леонинг бу сафарги зарбаси ноаниқ кетди.

• 41'
  

  Мессининг аниқ зарбасини дарвозабон супер сейв билан қайтарди.

• 39'

  "Барса" рақиб жарима майдони яқинида ажойиб стандартга эга бўлди. Месси учун яъши имконият.

• 36'

  Ўйин темпи пасайди. Жамоалар кескин ҳужум уюштирмай қўйди.

• 33'

  Майдон эгалари ҳам секин-аста тўпни эгаллашга ҳаракат қилмоқда. Бироқ каталонияликларнинг прессинги бунга йўл бермаяпти.

• 31'

  Брейтуэйтнинг яқин масофадан берган зарбаси ҳимоячидан ўтмади.

• 29'
  

  Месси воқеалар ривожидан бироз илгарилаб кетди.

• 27'
  

  ГООООООООООЛЛЛЛЛЛЛ! "Барселона" ҳисобни очди!

  Мессининг заргарона узатмасини Де Йонг дарвозага киритди.

• 25'

  Куман шогирдлари босим уюштиришда давом этмоқда.

• 23'

  Каталонияликлар дарҳол рақибни тўпсизлантиряпти.

• 21'

  Педрининг бош билан йзллаган зарбаси тўсин юқорисидан ўтиб кетди.

• 18'

  Дембеленинг навбатдаги зарбаси йўлига ҳимоячи ғов бўлди.

• 15'

  "Барса" ҳамон ҳужумларни кескинлаштиришда оқсамоқда.

• 13'

  Дембеленинг зарбасига аниқлик етишмади.

• 11'

  Майдон эгалари ҳужумда осонликча тўп йўқотди. Энди ортга қайтиш лозим.

• 9'

  Месси жарима майдони ичида жуда тушунарсиз ва ноаниқ зарба берди. Лео негадир кайфиятсиз кўринмоқда.

• 7'
  

  "Кўк-анорранглилар"да ўта қулай имконият юзага келди. Педрининг яқин масофадан берган зарбасини дарвозабон чиройли ҳаракати билан қайтарди.

• 5'

  Ҳозирча, меҳмонлар рақиб жарима майдони атрофида вазиятни ўрганяпти. Ҳужумлар зарбагача етиб бормади.

• 3'

  Илк дақиқалардан мезбонлар, кутилмаганда, прессинг уюштирмоқда. "Барселона" эса, отиб ташласангиз ҳам, тўпни назорат қилишга ҳаракат қилаверади.

• 1'
  

  Ўйин бошланди!

• 0'

  Футболчилар 2021 йил ҳисобидан илк бор майдонга тушиб келди. Ўйин бир неча дақиқа ичида бошланади.