Месси ПСЖда қанча ишлаб топади?

ПСЖ аргентиналик ҳужумчи Лионель Месси билан шартнома имзолашга яқин турибди. Бу ҳақда италиялик инсайдер Никола Скира хабар тарқатди.

Манбанинг маълум қилишича, парижликлар Леога "2+1" кўринишидаги битим таклиф қилмоқда. Агар Месси Париж клуби билан келишувга эришса, йилиги 50 миллион евро маош олади. 

Шунингдек, 34 ёшли футболчи янги жамоасида 19-рақамда ҳаракат қилади. Неймар ўз рақамини беришга тайёр бўлсада, Лео фаолиятнинг илк даврларидаги рақамда ўйнамоқчи. 

Аввалроқ, ПСЖ президентининг укаси Месси билан келишувга эришилгани ҳақида хабарлар тарқалганди.